之前提到小Bee Bee 有兩隻大牙比蟲蟲注左，為免情況惡化我決定要儘早帶小Bee Bee 睇牙醫。

婆婆一聽到小Bee Bee 要睇牙醫就好緊張，話咁細個就要睇牙醫好可憐...

婆婆話一諗起補牙時所發出嘅聲音就打冷震


為左陪小Bee Bee 睇牙醫，婆婆特登一早由元朗出到黎樂富。

可能因為有婆婆陪住，小Bee Bee 表演特別勇敢。雖然當有水噴入嘴仔嘅時候，小Bee Bee 就不其然緊張到合起嘴仔。

但當 dentist 問小Bee Bee 可唔可以再張開嘴仔比佢檢查嘅時候，小Bee Bee 好勇敢咁點頭，好勇敢咁克服自己內心嘅恐懼，再次比 dentist 檢查


但始終小Bee Bee 年紀實在太細，一緊張就好自然咁合埋嘴仔。所以 dentist 唔建議響現階段幫小Bee Bee 補牙，因為咁嘅情況下好容易會整傷小Bee Bee 。

雖然今次最終都無補到牙，但婆婆同我都覺得小Bee Bee 已經好叻女

媽咪：「小Bee Bee，你想聖誕老人送咩野聖誕禮物比你呀？」

小Bee Bee：「我想要 Bear Bear 熊！」

媽咪：「咁你要乖喇，聖誕老人只係會送禮物比乖嘅小朋友… (下刪一百字) 」

12月26日一早…


媽咪：「Good morning 小Bee Bee！」


小Bee Bee：「搞咩野嘈住我訓覺呀…」


小Bee Bee：「吚！聖誕老人響我訓緊覺嘅時候黎左呀！」


小Bee Bee：「係我最想要嘅Bear Bear 熊呀！好野！好野！」




小Bee Bee：「我而家有齊Bear Bear 熊 daddy、Bear Bear 熊 mommy 同Bear Bear 熊 baby 喇 」

今日係普世歡騰嘅聖誕節，我地跟左 Matthew 一家去到亞洲博覽館參加聖誕崇拜

但呢兩位小朋友似乎以為自己係參加大食會


參加完聖誕崇拜，小Bee Bee 就變身 Sayonara... 呀! 應該係 Cinderella 先啱~


咁開心! 因為...


小Bee Bee 終於搵到 prince ?!


唔好開心得咁早! 話明係 Cinderella 就梗係要做完家務先可以參加舞會啦

幣﹗﹗老公發現小Bee Bee 上排左右兩邊嘅大牙比蟲蟲注左呀

最衰都係我喇…

一直都係我負責幫小Bee Bee 刷牙嘅，但早前小Bee Bee 同我講話︰「媽咪，我大個女喇，我想自己刷牙~」...

事實證明兩歲幾嘅大個女只係識刷下排嘅牙齒，而未識反轉個牙刷刷上排嘅牙齒

點解我會咁疏忽架??!!

小Bee Bee，媽咪對你唔住呀

可能每個女孩子到某個年紀就會愛上公主(正確 d 黎講，應該係患上妄想症 - 以為自己係公主)

小Bee Bee 作為一個正常嘅小女孩，當然亦少不免感染到公主病


從小Bee Bee 嘅表情，我相信小Bee Bee 一定係覺得呢兩位「公主」貨不對板



小Bee Bee :「都係 Santa 好 d，起碼佢有糖糖請我食 」