今日突然覺得肚裏面 d 腸好似抽筋咁(但完全唔痛嘅), 好似有條橡根輕輕力咁彈吓彈吓, 感覺好得意好得意好得意好得意!!

翻查資料, 原來呢種咁特別同得意嘅感覺就係"胎動"

我好享受呢種咁獨特嘅感覺, 因為佢令我對小 Bee Bee 嘅存在增加咗一份實在感!!

一直以嚟我只可以喺見醫生嘅時候, 透過 Ultra-sound 見到小 Bee Bee, 知道佢係唔係依然健康咁生存緊。 但而家我唔洗再望穿秋水咁期待每個月一次嘅覆診喇, 因為而家每一下嘅"胎動"就等於小 Bee Bee 向我報平安, 叫我可以安心咁

"胎動"萬歲!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

又到咗小Bee Bee例行檢查嘅時候喇, 今日從ultra-sound度見到小Bee Bee一切安好, 仲好識嘆咁"橋"晒腳仔, 中間攬住條臍帶當cushion訓覺。

醫生想睇吓小Bee Bee係男仔抑或係女仔, 於是嘗試撥開條臍帶。 但小Bee Bee似乎太鐘意呢個cushion喇, 無論如何都唔肯放"腳", 真係唔知好嬲定好笑

檢查之後, 我同班好耐無見嘅朋友一齊食晚飯。 大家都對小Bee Bee嘅性別好感興趣, 於是我索性將小Bee Bee嘅ultra-sound照片比佢地自己估。 當中有人估小Bee Bee係男仔, 因為喺照片裡面見到有"龍氣"喎 又有人估小Bee Bee係女仔, 因為覺得我無變醜樣喎...

其實自從宣佈有咗小Bee Bee後, 各方親朋戚友都對小Bee Bee嘅性別作出咗各式各樣嘅揣測, 包括 :

~~ 我話係仔! BB嘅心跳好快, 快到好似馬蹄聲咁架。
~~ 我話係女! 小慧塊面都無生暗瘡。
~~ 我話係仔! 喺後面仲見到腰架。
~~ 我話係女! 個肚圓架。我話係仔! 小慧仲行得咁快................

學"夏春秋"話齋, 仔仔女女仔仔女, the next number is...

Sorry, 我都唔知答案喎

今日同老公參加婚禮, 埸面好感人, 感覺好溫馨, 衷心祝福 Genevieve 同 Ricky 永永遠遠都咁甜蜜恩愛

講到 Genevieve 同 Ricky 嘅婚禮, 不得不提一對精靈可愛嘅花仔花女, 實在係太太太得人鍾意












當我第一眼見到佢地嘅時候就不期然咁想像起小 Bee Bee 著起花仔 or 花女衫嘅得意樣, 真係令我好肉緊, 好想好想大啖大啖咁鍚佢一百萬啖, 好期待哦!!!

~~~~~~ 想像通常係將現實美化千萬倍嘅, 請見諒

今年生日可能係我人生中最特別同具意義嘅一年, 因為既係我成為咗黃師奶後嘅第一個生日, 亦係我成為咗"媽媽"嘅第一個生日

今日同妖女美姬見面... Oops, 而家應該改口叫 auntie 美姬先啱

3個月嘅"小氣"期解封後, 終於可以明正言順咁挺着大肚子同朋友去街。真係好!! 超級苦悶難捱嘅頭3個月終於成為歷史。(註:"小氣"期係指有左小 bee bee 3個月之內唔可以對人講架, 如果唔係佢會小氣架。)

諗返起過去3個月... 有口難言, 明明有咗 baby 但又唔可以承認。 因為唔想向朋友講大話, 所以選擇咗收埋自己玩自閉。 所有朋友聚會都唔參與但又比唔到原因, 最後甚至乎連 msn 都唔敢覆, 驚要諗藉口推朋友...............





好在一切已經雨過天晴, 而家不單可以同班豬朋狗友... Sorry Sorry 應該係知己良朋 .... 見面, 仲會享受到太后式嘅照顧。

就以 auntie 美姬為例, 上至去邊, 食乜... 都由我話"晒"事, 下至行步路都擔心我會攰......

0h 美姬, 你對我真係又細心又溫柔, I Love U ~~

豬朋狗友們, I Love U All ~~~

小 Bee Bee, Thank You Very Much ~~~