治療妊娠水腫(一般多發生在６個月後)的食療方法 :

１）將大米２兩，綠豆１兩洗淨，加水運量，煮至快熟爛時，加入洗淨，切碎的鮮豬肝２兩，待豬肝熟透後即可食用，不宜加鹽，隔日１次，連服５－７次.

２）取重２５０克的活鯉魚１條，去內臟，加黑木耳３０克及適量水，油，鹽煮熟吃，每隔５天吃１次.

３）將鮮鯉魚頭１個洗淨去鱗，冬瓜２兩去皮切成薄片，再一起放入陶瓷罐，加水３小碗，待鯉魚熟透後即可吃魚頭喝湯，不宜加鹽，每日１次，一般服３－５次即可見效.

４）取冬瓜計與蜂擁而上各５０毫升，調匀後1次飲服, 每日早晚各1次, 連服7天.

~~ 不要吃過鹹的食物, 水腫時要吃清淡的食物.
~~ 少吃或不吃難消化和易脹氣的食物, 如油炸的糯米糕, 白薯, 洋蔥, 土豆等.

咦! 點解我喺 Ultra-sound 度見到個黑人baby 嘅?? 闊鼻厚嘴, 好似Will Smith喎。 仲要不停咁打咸露, 唔通拍完通宵戲?!

吓?!!!!! 呢個係小Bee Bee????????????

Oh! 咁睇落又幾靚幾cutie喎..... (拜託唔好問我係唔係真心說話 )

今日突然覺得肚裏面 d 腸好似抽筋咁(但完全唔痛嘅), 好似有條橡根輕輕力咁彈吓彈吓, 感覺好得意好得意好得意好得意!!

翻查資料, 原來呢種咁特別同得意嘅感覺就係"胎動"

我好享受呢種咁獨特嘅感覺, 因為佢令我對小 Bee Bee 嘅存在增加咗一份實在感!!

一直以嚟我只可以喺見醫生嘅時候, 透過 Ultra-sound 見到小 Bee Bee, 知道佢係唔係依然健康咁生存緊。 但而家我唔洗再望穿秋水咁期待每個月一次嘅覆診喇, 因為而家每一下嘅"胎動"就等於小 Bee Bee 向我報平安, 叫我可以安心咁

"胎動"萬歲!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

又到咗小Bee Bee例行檢查嘅時候喇, 今日從ultra-sound度見到小Bee Bee一切安好, 仲好識嘆咁"橋"晒腳仔, 中間攬住條臍帶當cushion訓覺。

醫生想睇吓小Bee Bee係男仔抑或係女仔, 於是嘗試撥開條臍帶。 但小Bee Bee似乎太鐘意呢個cushion喇, 無論如何都唔肯放"腳", 真係唔知好嬲定好笑

檢查之後, 我同班好耐無見嘅朋友一齊食晚飯。 大家都對小Bee Bee嘅性別好感興趣, 於是我索性將小Bee Bee嘅ultra-sound照片比佢地自己估。 當中有人估小Bee Bee係男仔, 因為喺照片裡面見到有"龍氣"喎 又有人估小Bee Bee係女仔, 因為覺得我無變醜樣喎...

其實自從宣佈有咗小Bee Bee後, 各方親朋戚友都對小Bee Bee嘅性別作出咗各式各樣嘅揣測, 包括 :

~~ 我話係仔! BB嘅心跳好快, 快到好似馬蹄聲咁架。
~~ 我話係女! 小慧塊面都無生暗瘡。
~~ 我話係仔! 喺後面仲見到腰架。
~~ 我話係女! 個肚圓架。我話係仔! 小慧仲行得咁快................

學"夏春秋"話齋, 仔仔女女仔仔女, the next number is...

Sorry, 我都唔知答案喎

今日同老公參加婚禮, 埸面好感人, 感覺好溫馨, 衷心祝福 Genevieve 同 Ricky 永永遠遠都咁甜蜜恩愛

講到 Genevieve 同 Ricky 嘅婚禮, 不得不提一對精靈可愛嘅花仔花女, 實在係太太太得人鍾意












當我第一眼見到佢地嘅時候就不期然咁想像起小 Bee Bee 著起花仔 or 花女衫嘅得意樣, 真係令我好肉緊, 好想好想大啖大啖咁鍚佢一百萬啖, 好期待哦!!!

~~~~~~ 想像通常係將現實美化千萬倍嘅, 請見諒