今日同小Bee Bee 搭車去食飯。


天陰陰，小Bee Bee 變成小白帽等巴士~


小Bee Bee︰「咁耐都未有車架~ 真係等到頸都長！」


小Bee Bee︰「黎喇黎喇！」


小Bee Bee 家陣仲意企車，因為可以睇到多d野，有時見到仲意嘅野仲會瓜瓜大叫。

今日小Bee Bee 著靚靚，梳整齊 d 頭髮去參加宴會~




咩野宴會咁重要? 登登登凳... 就係Ron 仔滿月喇。

大家睇下Ron 仔幾得意，同佢爸爸十足餅印咁架


















宴會場地嘅大堂有棵好大好靚嘅桃花，我地趁機影番張桃花樹下嘅合照先

估唔到幫我地影相果個酒店大堂經理對手咁定，影相咁靚！


小Bee Bee 再一次表現出佢天生對金銀珠寶嘅敏銳觸覺~

當大家以為小Bee Bee 正在欣賞眼前盆栽嘅時候，其實佢已經老實不客氣咁搶左掛響盆栽上面嘅利是

點解小Bee Bee 嘅表情要咁輕佻? 仲要扮晒咬住支牙籤添！

近兩星期小Bee Bee 都訓得唔好，經常訓訓下大喊，仲要係喊到好悽慘果隻...
頭先當小Bee Bee 食緊奶奶嘅時候又突然大喊，而我就感覺好似比一 d 鋒利嘅野咬到咁。
於是我睇下小Bee Bee 個嘴仔，果然見到小Bee Bee 嘅第一隻牙仔喇~

今日我地要去同公公，婆婆拜年~

因為公公，婆婆屋企響新界，會比較凍，所以我地都特別著到根肉人咁黎禦寒


準備出發！ 小Bee Bee 充分表現出咩野係「未出發先興奮」~


有請鋼琴演奏家 Lui Lui 為我地彈奏一曲「財神到」！


此情此景莫非就係「偷得浮生半日閒」之真實寫照~

今日係大年初一，係非常忙碌的一天，因為我地要去不同嘅地方拜年~

第一站當然係要同太上老君拜年。
雖然小Bee Bee 唔識做拜年嘅指定動作--，但憑著天生對金銀珠寶嘅敏銳觸覺，每當小Bee Bee 見到利是，佢就會搶過黎捉實唔放。如果比小Bee Bee 見到人地手袋裡面有利是，佢會打開個手袋自己攞添，真係比佢笑死~


去到五叔屋企拜年嘅時候，小Bee Bee 對圖中呢個全盒發生左濃烈嘅興趣，不斷咁打開個蓋然後關上，打開關上，打開關上...


當大家忙於醫肚嘅時候，全靠五嬸同小Bee Bee 玩。睇下小Bee Bee 幾留心聽五嬸講野，唔知會唔會係因為五嬸講英文，所以小Bee Bee 要特別留心先聽得明呢




只係全日行程嘅第二站，但小Bee Bee 已經流露出倦意...
雖然小Bee Bee 好累，但佢今日真係好乖好乖。 所以我地好順利咁去晒原定嘅地方拜年，唔知小Bee Bee 咁乖會唔會係睇錢份上呢