小Bee Bee 真係好鍾意 baby，真嘅 baby 固然鍾意，假嘅都一樣愛不惜手。

第一次發現小Bee Bee 對 baby 情有獨鍾係同佢去到玩具舖時佢拎住個 baby 唔捨得放手，
到之前 playgroup 最後一堂其中一個觀察力非常強嘅媽咪送左一份神秘禮物比小Bee Bee，呢個就成為左小Bee Bee 嘅第二個 baby~


左邊係自己買，中間係人地送(小Bee Bee 嘅第二個 baby)，右邊係「黑色baby」

但好奇怪，小Bee Bee 一直都對第二個 baby 表現得好冷淡~ 好多時我叫小Bee Bee 一齊抱住兩個 baby，但小Bee Bee 會好決絕咁推開第二個 baby...

最初我以為因為第一個 baby 係小Bee Bee 自己挑選嘅，所以佢對第一個 baby 特別偏心，但後來我發覺另有內情…



小Bee Bee 而家返嘅學校度有一個黑人 baby，係比朱古力色更加黑嘅黑色 baby! 小Bee Bee 第一眼見到呢個 baby 就兩眼發光，一直一直攬住呢個 baby 唔肯放底~


小Bee Bee 扮 baby~

到呢刻我終於明白點解小Bee Bee 唔太鍾偏第二個 baby 喇! 因為第二個 baby 係白人黎，膚色好白… 而小Bee Bee 偏偏係鍾偏黑人 baby，仲要係越黑越好~



後來因為小Bee Bee 對黑色 baby 呢個癖好，於是我地想買個黑人baby 比小Bee Bee ，不過香港見唔到有得賣，結果就買左個膚色只係深小小嘅baby，小Bee Bee 稱之為︰「黑色baby~！」

自從小Bee Bee 出世之後老公一直對攝影作多方面研究，今日老公又有新野同小Bee Bee 玩喇~


原本我同小Bee Bee 都唔明白老公做咩野不斷叫我地拎住個燈仔 fing 黎 fing 去，但後來老公比我地睇番影左出黎嘅影像...


嘩! 真係好神奇呀!


大家睇唔睇到我寫咩野呀? 係「SHUN LUI」呀

雖然今日係情人節，但我覺得同一班至愛親朋一齊渡過都幾好呀~


所以今日我地決定響公公婆婆屋企燒野食，順道補祝 Sandy 嘅生日


其實今日響我地咁多個人裡面，我相信小Bee Bee 係過得最開心嘅一個~


雖然第一次燒野食嘅小Bee Bee 唔多 enjoy BBQ，因為向來怕熱嘅佢坐響火爐側邊唔夠三分鍾就話好熱要走開~


但由於公公婆婆屋企有小Bee Bee 至愛嘅狗仔 -- 拉仔、


…丁丁、




…Bear Bear、同即日新寵 - 栢齊先生，所以小Bee Bee 玩得不知幾開心~

註: 新寵 - 栢齊先生乃老公嘅好朋友，亦即是今日 party 裡面老公以外唯一嘅男性... 自從老公同小Bee Bee 講話栢齊嘅鬍鬚好似 Santa Claus 之後，小Bee Bee 就一直嗌住要栢齊抱抱~



之後當我再抱翻小Bee Bee 嘅時候，小Bee Bee 突然好情深款款咁鍚我~ 當時我自以為好幸福，但原來小Bee Bee 鍚我嘅時候佢對眼一直望住栢齊，鍚完我仲嗌我做 Santa... 我唔要做愛的替身呀

之前小Bee Bee 相對於呢張黃沁號黎講真係好細粒，每當小Bee Bee 坐響度食飯嘅時候對腳都係凌空吊住


但而家嘅小Bee Bee 已經長大，坐響黃沁號嘅時候對腳已經唔再吊腳喇