小Bee Bee 嘅病終於好翻~

終於有時間拆利事喇！小Bee Bee 見到咁多利事按捺不住就叫左出黎~


佢 d 頭髮亦開始慢慢長出黎


我地成日幫佢戴唔同款式嘅帽，等佢靚 d 同冇咁似男仔


出街都要戴~ 小Bee Bee 病完攪到我個樣殘爆，真係失禮晒...


去到玩具反斗城，小Bee Bee 又要騎馬，又要玩波，結果兩樣一齊玩！


小Bee Bee 已經可以扶住自己企響度，所以可以玩下呢一類玩具


有驚無險，小Bee Bee 十個月大喇~ 今次主題係…氣球…有 d 行，不過都收貨啦~


巡例同家人合照




今個月，唱生日歌嘅時候小Bee Bee 仲識主動拍手，睇黎佢都開始習慣



比佢切個餅，力大無窮嘅小Bee Bee 仲差d搞到我地冇餅食！

呢個星期發生左兩件大事，其中一件將會影響小Bee Bee 未來幾個月，事關我地決定同佢剃左個頭！

當時小Bee Bee d 頭髮好稀疏，前面又幾乎係冇，又長短不一，我地怕佢一直都係咁，抱住搏一搏嘅心情，就幫佢剪。諗翻轉頭覺得有 d 殘忍，又好唔捨得，不過都係為佢好~

動手之前有頭髮look


過程唔係咁開心，我都唔想諗翻起，所以唔比大家睇咁多喇...


個成果就如下，開心嘅係，原來小Bee Bee 嘅頭形都幾靚~



唔知係唔係小Bee Bee 唔仲意個髮型，佢第二日突然開始發燒，仲係好高下，有成 40.5 度！凌晨十二點幾即刻同佢去醫院睇醫生。

去到浸會醫院，醫生都未見到，護士第一句就話︰「兒科病房已經全部爆滿！」

咁我地就拿拿臨上翻的士，去法國醫院。去到見到勁多人已經心知不妙，卒之又係冇位。

事原係因為近日好多小朋友患流感，有 d 仲好嚴重，什至不幸死亡，所以 d 家長都好驚，個個都想住院。當然我地諗法都係一樣…



冇辦法啦，再跳上的士，下一站依利沙伯醫院，試下公立醫院。好彩今次冇乜人，即刻登記，到分流，見醫生，已經凌晨三點幾~ 醫生照例話留院觀察，我同小Bee Bee 就 check in。

依利沙伯醫院嘅兒科病房都好滿，每間房都住滿8個小朋友。其他BB都好病，有個證實肺炎，另一個仲要轉送去隔離病房。

當時我覺得好徬徨，因為好似留響醫院度仲危險，但醫院嘅醫生不斷警告我，話如果我堅持同小Bee Bee 出院，咁佢地對小Bee Bee 嘅病情係唔會負任何負任，而且若然小Bee Bee 嘅病惡化，佢地亦唔保證到時可以提供到住院床位比我地…



正當我左右為難嘅時候，實在非常非常感謝姑媽個朋友 Karen！

Karen 好有心，響百忙之中打電話比我，以身為醫生嘅角度比意見我，認為小Bee Bee 嘅病徵係「玫瑰疹」。全靠Karen，我作出左明智嘅抉擇︰簽紙同小Bee Bee 左院！

出左院之後小Bee Bee 燒左一連幾日都唔退，我地仲係非常担心。

雖然佢成日都好攰...


但係又食得又訓得。


我地上網睇左好多關於「玫瑰疹」嘅資料，以下係摘要，大家睇睇，可能有日會有用︰

患病嬰兒的年齡主要是界乎四個月至兩歲之間。此病在春秋兩季較為多見。

嬰兒會首先呈現發燒、食慾下降、脾氣暴躁等病徵。在三至五天後嬰兒的情況會漸漸好轉，典型的玫瑰疹則在退燒後才會呈現。紅疹首先出現於頸部及胸口，然後迅速地蔓延至背部、臀部及四肢。

直到第四日，正如 Karen 所估計，終於退燒，身上亦開始出現「玫瑰疹」。


等到第五日，小Bee Bee 身上 d疹似乎已經現晒出黎，而且開始退喇。

小Bee Bee 復原得咁順利係全靠飲左婆婆親自煲嘅竹蔗茅根水，婆婆仲教我用芫茜水同小Bee Bee 沖涼… 小Bee Bee，你好番晒之後記住 kiss kiss 婆婆同 Auntie Karen 呀！

小Bee Bee，辛苦晒！

各位親愛嘅讀者，咁耐冇更新真係唔好意思，因為近排開始時間少左。



希望可以繼續同大家分享小Bee Bee 嘅成長過程，不過為左省時，今次開始會用週記型式，希望大家繼續支持！


首先小Bee Bee 送你地一首「馬來亞春色綠野景緻艷雅~~」


小Bee Bee 好似貓咁好仲意倚窗看街


同媽咪一齊睇街真係好開心架！


又到小Bee Bee 生日喇~


雖然今次冇咩特別主題，不過小Bee Bee 一樣咁開心


姑媽又錫到佢燶


姑姐又同 Curry 叔叔夾到佢扁~


今次又有得自己切蛋糕 (小Bee Bee 好似渣住d咩神劍咁)


九個月大喇！


最後送上絕無僅有小Bee Bee 頭夾照一張

今日同小Bee Bee 搭車去食飯。


天陰陰，小Bee Bee 變成小白帽等巴士~


小Bee Bee︰「咁耐都未有車架~ 真係等到頸都長！」


小Bee Bee︰「黎喇黎喇！」


小Bee Bee 家陣仲意企車，因為可以睇到多d野，有時見到仲意嘅野仲會瓜瓜大叫。

今日小Bee Bee 著靚靚，梳整齊 d 頭髮去參加宴會~




咩野宴會咁重要? 登登登凳... 就係Ron 仔滿月喇。

大家睇下Ron 仔幾得意，同佢爸爸十足餅印咁架


















宴會場地嘅大堂有棵好大好靚嘅桃花，我地趁機影番張桃花樹下嘅合照先

估唔到幫我地影相果個酒店大堂經理對手咁定，影相咁靚！


小Bee Bee 再一次表現出佢天生對金銀珠寶嘅敏銳觸覺~

當大家以為小Bee Bee 正在欣賞眼前盆栽嘅時候，其實佢已經老實不客氣咁搶左掛響盆栽上面嘅利是

點解小Bee Bee 嘅表情要咁輕佻? 仲要扮晒咬住支牙籤添！