小Bee Bee 生日快樂呀

話咁快你就一歲喇！(其實對我黎講呢一年都過得幾漫長，尤其當我見到一日比一日殘嘅自己嘅時候，我真係希望你快 d 大個女)

雖然呢一年我殘左同老左好多，但每當我見到你健康快樂，我就覺得一切都係絕對值得。

我非常非常感謝上天將你帶到黎我身邊，令我真正學識無私嘅愛。一直以黎我係一個自私同自我中心嘅人，全因為巽蕾你，令我有所改變，多謝您~



響過去一年你為我帶黎無限嘅快樂，同你相處嘅片段全部都好深刻咁留響我腦裡面。每當我見到你好甜咁笑抑或好嘈咁喊，我都會覺得好滿足，因為呢一切都證明你響我身邊

其實響呢段日子，我除左多謝小Bee Bee 你，我更加要多謝老公。如果無老公嘅全力支持，我根本無可能堅持全母乳喂哺到今時今日。好慶幸當我累透想放棄嘅時候有老公鼓勵支持，如果唔係我相信小Bee Bee 你好可能無而家咁健康~

睇住妳一直以黎咁健康，除左一次出玫瑰疹同一次打完針發燒，其餘時間都無病無痛~ 我知道我嘅付出係絕對超值嘅！ 亦因為咁，我會繼續堅持全母乳喂哺直至妳自然離乳~ 希望老公同身邊各位都能夠繼續支持同諒解我，多謝

媽媽上

今日係小Bee Bee 一歲生日嘅大日子，集萬千寵愛於一身嘅小Bee Bee 得到全家人特登向公司請假同佢慶祝

響呢度我代表小Bee Bee 再一次多謝平日即使址病都唔會向公司攞假嘅爺爺同爹d、最怕曬嘅grandma 、整親隻腳行動唔方便嘅姑媽，仲有正在閉關溫書準備考試嘅舒姑姐~ 多謝你地咁鍚小Bee Bee ，響咁熱咁辛苦嘅天氣底下都同小Bee Bee 一齊去迪士尼樂園慶祝生日





小Bee Bee︰「比張 sticker 你~」


小Bee Bee︰「喂！我好似響電視見過你~」


傳說中嘅「指南車」


好溫馨嘅一幕


小Bee Bee︰「好似好好味喎...」


小Bee Bee︰「有得食，yeah！」


同爹d 坐旋轉木馬


Happy Birthday to 小Bee Bee ~


小Bee Bee 由一早玩到夜晚都無訓過覺，最終響放煙花嘅時候訓著左~

我地希望響小Bee Bee 一歲之前同佢再影多一輯相。D影樓都真係幾滿﹐不過好彩最後都 book 到。



一齊影果時小Bee Bee 好開心~




到自己影果時就開始喊﹐可能佢有D驚啦


好彩最後都完成晒五個造型︰

係都要同隻雀仔影相嘅熊貓貓…


暴力復活蛋公主…


係都唔肯戴帽嘅廚師…



救火救到喊晒口嘅消防員…



同埋最後都開心翻晒嘅工程師~


我覺得今次已經比上一次順利好多﹐希望下一次小Bee Bee 會自己擺鋪屎啦！

2008年5月21日係小Bee Bee 正式學識行嘅日子。我地冇用學行車，因為家陣d人話用左會有噢型腳，所以都係用手扶佢行。


之前都有自己行兩步，不過真係兩步咁大把。今日忽然間可以行差唔多十呎！


自從小Bee Bee 學識行，佢就終日來來回回不停咁行… 累到好似醉酒佬咁跌下跌下都唔肯休息


其實小Bee Bee 學識行，我地可算係受惠嘅一群。因為我地可以叫小Bee Bee 幫手攞野喇


但又時我地唔想比小Bee Bee 攞嘅野都會比佢搶埋，小Bee Bee 仲會好快咁行左去，而家想捉佢都唔係咁易…


當小Bee Bee 比人捉到嘅時候就會出絕招「Beautiful Eyes」黎電人，電到人地暈駝駝唔記得閙佢… 呢招真係好絕呀

今個星期小Bee Bee 試左幾個唔同嘅職業，唔知佢大個會做咩呢？

小Bee Bee︰「When I was young, I asked my mother, what will I be?...」


「... will I be 福爾摩斯？...」


「... will I be 李寧？...」


「... will I be 巴士亞叔？...」


「... will I be 劉翔？...」


「... will I be 舒密加？...」

Here's what she said to me:
"Que sera, sera,
Whatever will be, will be;
The future's not ours to see.
Que sera, sera,
小Bee Bee, Bee Bee~"