今日係小Bee Bee 生日後一日，亦係端午節公眾假期，好多謝爺爺、grandma 同姑媽特登入到黎樂園同小Bee Bee 補祝生日，好感激您地對小Bee Bee 嘅愛！

我好清楚知道小Bee Bee 亦同樣咁愛您地，因為只要您地響佢身邊，小Bee Bee 嘅笑容自然會特別燦爛





























到左花車巡遊，點知因為今日落雨 (其實當時係冇雨)，佢地只有一架落雨專用嘅花車，搞到我地同小Bee Bee 都有d失望…


架車好快就過左… 跟住小Bee Bee 就無奈咁講︰「仲要…」所以 Papa 就抱住佢跑，穿過人群咁去到花車嘅前面，由頭睇過，小Bee Bee 又再同 Mickey 揮過手~


轉間舜架車又過左，點知小Bee Bee 又講︰「仲要！」不過今次有d笑容同興奮。咁 Papa 又同佢追架車… 如事者走左四﹑五轉之後，走左兩條街，連爺爺麻麻都唔見晒，Papa 終於索晒氣筋疲力盡同小Bee Bee 講︰「Bye bye Mickey 喇~~~」








小Bee Bee 兩歲喇，大個女要乖乖地呀~

今日係 2009 年 5 月 27 日，係小Bee Bee 嘅兩歲生日大日子，為左比小Bee Bee 一個難忘嘅生日，我響迪士尼樂園準備左一連串嘅精彩活動


其實舊年小Bee Bee 一歲生日都係響迪士尼樂園過，但當時嘅小Bee Bee 對樂園嘅人物只係認識好少...

但而家小Bee Bee 對樂園嘅人物可以話係瞭如指掌，就好似 Jiminy the cricket 咁，小Bee Bee 成日響屋企扮佢唱 'When you wish upon a star...'架


其實我地都因為小Bee Bee 嘅關係學左好多卡通人物，佢每見到一個卡通人物就會問︰「佢叫咩名？」迫住我地都要學埋…


都未到樂園，只係見到架旅遊車已經極度興奮嘅小Bee Bee ！


終於到喇！ 但唔係樂園而係樂園酒店~


我話比小Bee Bee 知呢度係 Mickey 同 Minnie 佢地嘅屋企，而我地今晚就會響呢度訓一晚~ 小Bee Bee 好開心猛話︰「好野！好野！」


因為 papa 今日要返工，放工先趕入黎同小Bee Bee 慶祝生日~ 所以我地放底行李響酒店就衝入樂園玩喇！


好記得舊年小Bee Bee 離遠見到 Mickey 同 Minnie 就好開心咁揮手同嗌佢地，但當 Mickey 同 Minnie 行近，小Bee Bee 就嚇到喊...

兩歲嘅小Bee Bee 仲會唔會比大大隻嘅 Mickey 嚇親?




答案係: 唔會




食完野我就同小Bee Bee 玩巴斯光年車


大家估下邊一個分數係屬於小Bee Bee ? 邊一個分數係屬於我嘅呢?

小Bee Bee 居然有 1600 分！ 而我只係得 700 分...
竟然連兩歲嘅小Bee Bee 都高分過我


跟住我地去睇史迪仔 show ，睇完出黎小Bee Bee 無端端同我講話︰「史迪仔好搞笑~」，好鍾意佢咁話

跟住趁今日 weekday 無咁多人，遂一同迪士尼朋友見面影靚相先~














玩左大半日，我同小Bee Bee 都覺得好累~ 於是我地決定返酒店訓一陣

訓醒就落酒店 lobby 參加手工班，玩煮飯仔同 shopping~













壽星女小Bee Bee 終於見到一放工就趕黎嘅 papa 喇，睇下小Bee Bee 幾開心


papa 仲同小Bee Bee 一齊聽姐姐講晚安故事添~

聽完晚安故事就到全日嘅重點節目 - 食飯！有請 Minnie Mouse 陪同我地嘅壽星女小Bee Bee 一齊唱生日歌同吹蠟燭




















小Bee Bee 一直都好開心好興奮，直至 Mickey Mouse 同佢講 bye bye...



小Bee Bee 唔捨得講 bye bye 而大喊，Mickey Mouse 見到咁就好比心機咁安慰小Bee Bee ~


我地同小Bee Bee 講聽日會再見到 Mickey Mouse 佢地成班朋友仔，聽日會再一齊玩，所以唔洗唔開心~

小Bee Bee 見我地咁樣講，唯有依依不捨咁比 Mickey Mouse goodnight kiss...




好彩小Bee Bee 一向都係易喊易笑，可能諗到好快又可以到樂園玩，所以好快就開心返！


待續

之前小Bee Bee 對沖涼嘅 bubbles 好抗拒，但唔知係唔係而家大個女個膽都大 d~

小Bee Bee 而家唔怕喇，仲玩得好開心添!

小Bee Bee 嘅兩歲生日就快到，慶祝節目當然唔少得去影樓拍寫真喇

舊年小Bee Bee 對影樓嘅強勁燈光都仲感到怕怕，今年我響去影樓之前比小Bee Bee 睇番舊年 d 相，仲猛讚佢靚同可愛~

如我所願，小Bee Bee 今年表現我非常好，全個拍攝過程都極之開心

最近買左把 Minnie Mouse 雨傘比小Bee Bee ，玉姨婆又送左對靚靚雨靴比佢~

所以趁今日落雨就同小Bee Bee 落街玩下




長短褲腳




走嘅時候發覺有 d 唔對路...


點解好似少緊 d 野…


原來玩到連鞋都趺埋


好彩執得翻~