小 Bee Bee 日誌

滿月喇~~

Wednesday, June 27, 2007, 11:48 AM - 生活點滴, 相片特區

因為小Bee Bee 比預期早左三個星期出世，體量比較輕，需要特別小心照顧，所以為小Bee Bee 健康着想，我地決定到小Bee Bee 兩個月大先同佢做「雙滿月」大肆慶祝。

而今日小Bee Bee 滿月之喜我地就同親朋好友響屋企切蛋糕慶祝~~

同太嫲合照，太嫲送咗個金牌比小Bee Bee 呀，好似奧運攞獎咁，合晒而家潮流，多謝太嫲！

四代同堂呢，問你羨慕唔羨慕！

同外婆，媽媽合照，三個都係大女！

同爸爸，媽媽合照。

1 回應 ( 185預覽 ) | 永久連結 | 相關連結

高科技視力測試

Wednesday, June 27, 2007, 10:22 AM - 生活點滴

之前提到小Bee Bee 去左健康院打乙型肝炎第二針同做視力測試，隨即有熱心嘅讀者問我當時嘅情況究竟係點嘅呢？好！而家就等我同大家818~~

[icon013]

話說當時護士趁小Bee Bee 訓緊覺就響小Bee Bee 大脾度以極迅速嘅速度打針。小Bee Bee 一感覺到就即場放聲嚎哭，而呢次係我第一次見到小Bee Bee 有眼淚咁喊~~ (即是之前響屋企果d哭哭啼啼都係扮野？！！)

[icon010]

至於視力測試 ~ 醫生將所有燈熄哂，然後響褲袋攞咗樣超高科技嘅儀器出黎... ... ...
就係一支電筒！醫生用支電筒照下照下，睇下小Bee Bee 眼睛會唔會跟住d光，唔洗一分鐘醫生就話小Bee Bee 正常無問題可以走喇，好鬼求其！

[icon038]

1 回應 ( 45預覽 ) | 永久連結 | 相關連結

小Bee Bee 全面大解構

Wednesday, June 27, 2007, 07:46 AM - 生活點滴, 相片特區

時間真係過得好快，不經不覺小Bee Bee 已經出世一個月喇！

今日同小Bee Bee 去左健康院打乙型肝炎第二針同做視力測試，當我望住小Bee Bee 時感覺好奇怪。早在06年10月小Bee Bee 已經響我生命中出現，大家亦共同經歷過好多好多，例如廣華醫院事件…

但我突然發覺自己對小Bee Bee 嘅認識其實好少，因為大家真正嘅相處只係建基於過去30日。究竟真正嘅小Bee Bee 係點嘅呢？性格係點？呢個依然係個謎~~！以下係我響過去30日以戰地記者身份所得番黎嘅獨家資料，希望有助於我地進一步瞭解呢個神秘莫測嘅小Bee~ Bee~~ [icon061]

飲食篇
一餐可以分幾段食，食下抖下，悠閒程度直逼法國人。因此我地特地為小Bee Bee 改咗個洋名「今晚打老虎」~~！休息嘅時候無論你點威迫利誘佢都唔會食；當佢休息完想食嘅時候，如果發現自己唔係食緊就會即時發難！

睡眠篇
當小Bee Bee 好攰要瞓嘅時候，冇任何人或事物可以阻止佢。就好似頭先響健康院醫生要同小Bee Bee 做視力測試，要 keep 住小Bee Bee 清醒，奈何皇太后靈感到，要咪埋眼睛訓翻覺。於是護士洗出佢從事醫護行業多年所練到嘅絕招 ~「摸鼻哥」，一心要令小Bee Bee 掙開眼睛。經過一輪拉扯，勝方係 ~~ 皇太后小Bee Bee！事敗嘅護士唯有拋下一句「你個 BB 真係好硬頸呀下~~！」由此可見小Bee Bee 絕對係無人可匹敵嘅！

社交篇
即使只係伸一伸懶腰都會發出好多怪聲，係傳說中嘅「擾人清夢之鬼」~~！當你唱歌比佢聽嘅時候，佢會撐手撐腳幫你伴舞，間中仲會同你「呀呀」聲和唱。佢亦非常歡喜同人傾計，經常發出「咦咦哦哦」嘅聲音，呀吱呀o左，所以佢另一個咩名係「摩洛哥 Wong」！

儀態篇
號稱「舖屎王~~！」不但響瞓覺時擺出絕招「心型腳」(請參考「睡太后 ~ 番外篇」)