小 Bee Bee 日誌

SuperBee

Saturday, July 28, 2007, 09:29 AM - 生活點滴, 相片特區

今日發現左小Bee Bee 新嘅最愛抱姿！

人肉搖床，小Bee Bee 真係識嘆~

小Bee Bee︰「我係 Superman!」

2 回應 ( 84預覽 ) | 永久連結 | 相關連結

千之針﹒痛在心

Friday, July 27, 2007, 11:55 AM - 生活點滴

今日同小Bee Bee 到健康院做例行檢查同打針。呢個月對小Bee Bee 黎講可能會係未來一年黎講最難忘嘅一個月，因為小Bee Bee 除咗響健康院打針外，星期一仲要去浸會醫院打肺炎鏈球菌針同食輪狀病毒疫苗。雖然d針藥唔係打響我身上，但我諗起咁多針都覺得怕怕

[icon069]

唔知小Bee Bee 係咪見自己已經去過健康院幾次，所以當咗係自己屋企。今日響磅重時竟然 relax 到疴左尿，個樣仲要好舒暢咁，難為我對住護士姐姐都不知幾尷尬…

響健康院我見到有好多baby，有d好似小Bee Bee 啱啱出世時咁細粒，而且一舉一動都係初生B嘅動態，咪埋眼睛，嘟起嘴仔，牙啞聲嘅喊聲…

面對住呢d初生B先發覺小Bee Bee 真係長大咗好多好多，而佢嘅喊聲亦成正比咁由牙啞聲變成足以令我耳鳴嘅爆破聲，真係好懷念粉團小Bee Bee 呀！

號外︰

新聞又話30年後女多男少嘅情況會更嚴重，但據我響健康院現場所見，當日嘅男仔B係佔大多數，女仔B就只係得3個。當小Bee Bee 響法國醫院嘅時候亦都一樣係男仔B多d… 究竟係政府無計大陸黎香港生嘅B? 抑或係點呢? 究竟我洗唔洗擔心小Bee Bee 將來嫁唔出? 洗唔洗響屋企留返條「灶喇」比佢呢?！

當然… 又係果句︰「呢一切…仍然係一個謎！」

2 回應 ( 94預覽 ) | 永久連結 | 相關連結

兩個月喇！

Friday, July 27, 2007, 09:53 AM - 生活點滴, 相片特區

時間真係過得好快，不經不覺小Bee Bee 出世到而家已經兩個月，亦即是話我做左阿四足足兩個月喇！

雖然我好慶幸已經有很多人幫忙照顧小Bee Bee，但我體力上嘅疲累終於都開始發作...

尤其是早排小Bee Bee 唔肯瞓床仔，每當放底佢就喊，當時我真係連擦牙洗臉嘅時間都無！ (好臭…) [icon028]

所以我只好同工人輪流食飯，輪流照顧小Bee Bee。

到夜深嘅時候，亦係我最艱辛嘅時間… 其他人都已經進入佢地甜美嘅夢鄉，所有燈亦已經熄晒，剩低嘅只係一個近乎無聲音嘅電視機。而我就係靠電視機裡面嘅畫面黎支撐提醒自己唔好瞓著覺，因為小Bee Bee 正係瞓響自己懷中，萬一跌左佢落地就大件事！(奈何我經常都鬥唔過亞周生，因為電視播放嘅深夜節目仿佛都有催眠作用咁…)

如是者我每晚一面同亞周生搏鬥，一面就坐響度抱住小Bee Bee 到天光... 唔到一個星期我條腰骨同頸已經向我發出嚴重抗議！

雖然響呢段時間自覺好殘，頸同腰骨好痛，又連裝扮嘅時間都冇… 但係好開心見到小Bee Bee 瞓得好好，尤其是當佢瞓瞓下突然驚醒，張開小小眼睛莊下你，確定你係抱住佢，然後會好開心﹑好甜﹑好安心咁繼續咪埋眼瞓覺。每當呢一幕響我面前上演，我就覺得即使再辛苦都係絕對值得呢！

不過成個過程都總算有一個得著，就係我而家對深宵節目嘅時間表都不知幾熟，若然有邊位想我介紹一d會治療失眠嘅節目就即管開聲啦！ [icon061]

1 回應 ( 41預覽 ) | 永久連結 | 相關連結

賀啦~ 賀啦~

Saturday, July 21, 2007, 11:50 AM - 生活點滴, 相片特區

2姑姐「苯Lisa」同「Curry叔叔」買左玩具祝賀小Bee Bee 兩個月生日。其中一樣係一本會唱歌仔嘅電子書，於是我地響滿月酒完滿結束之後同小Bee Bee 一齊載歌載舞喇~

電子書播放住:
"The ants go marching one by one HOORAH! HOORAH!
The ants go marching one by one HOORAH! HOORAH!~"

當小Bee Bee 玩得好開心好興奮之際，神奇嘅事情發生左… 小Bee Bee 竟然跟住唱！仲要係發音異常啱 key 果隻！雖然小Bee Bee 唱出嘅只係首歌嘅其中一個字，但係我地四個人之中有三個聽得好清楚，即時互相對望，目瞪口呆。

[icon036]