話咁快 Ambrose 就 3歲喇！ 祝 Ambrose 心想事成，永永遠遠都咁健康快樂[


參加朋友仔嘅生日 party 對小Bee Bee 黎講係一個非常開心嘅節目，除左有 birthday cake 食之外，又可以同佢鐘意嘅朋友仔聚一聚


又有各種平時無得玩嘅玩意比佢盡情玩番夠本








有靚仔


仲有禮物收添！ 簡直係一次過滿足晒所有願望，Ambrose 萬歲

今日同小Bee Bee 去表哥屋企玩，走嘅時侯途經青衣城見到天神村！

可惜小Bee Bee 從來未睇過「IQ博士」，只係之前響影樓影相時扮過小雲~

雖然小Bee Bee 唔識「IQ博士」裡面嘅人物，但佢見到咁多可愛嘅公仔都好開心











當我一見到呢個「草菇」我就忍唔住大笑~

因為我即時諗起小Bee Bee 平時踩住架三輪車個樣，我覺得真係好似呀

小Bee Bee；「我今日好開心，因為可以同表哥一齊去海洋公園玩！ 媽咪話我 7個月大嘅時候已經去過海洋公園玩，但我真係一 d 印象都無呀」






小Bee Bee；「媽咪話我知呢隻叫大熊貓，但我話佢應該改名叫大食貓就真！ 我問媽咪點解大熊貓不斷咁響度食野？ 我睇住佢咁耐，佢就食足咁耐，唔通佢唔識飽架咩」


小Bee Bee；「我都係鐘意呢種小熊貓 red panda 多 d，呢兩隻小熊貓不停咁玩 hide and seek 跑黎跑去，好可愛呀」


小Bee Bee；「今日令我最開心嘅事就係媽咪買左我一直夢寐以求嘅太陽眼鏡比我，thank you 媽咪」

我知道好多人都唔贊同兩歲咁細個人仔玩電腦，但我同老公都覺得凡事只要唔好過分過量，而小朋友自己又真係有興趣嘅，我同老公所持嘅態度係 - Let it be！(況且我同老公都係成日坐響電腦前唔願出街嘅宅男宅女，要我地禁止小Bee Bee 玩電腦根本就全無說服力)

其實最開頭我同老公都唔相信小Bee Bee 自己可以操作到電腦，因為我地認為佢嘅手眼協調應該未發展到咁成熟，尤其 "Drag and Drop" 嘅動作對一個兩歲嘅小朋友黎講實在太難...

但原來小Bee Bee 響我同老公不知不覺間己經從觀察學識左點樣操作電腦！小Bee Bee 教識左我同老公千祈唔好睇小人，尤其係小朋友


一開始小Bee Bee 最先接觸嘅並唔係電腦遊戲，只係我同佢一齊睇 youtube，而操作嘅當然係我啦~

過左一段時問小Bee Bee 對於睇邊條片開始有意見喇，而且猛話唔洗我控制個 mouse，等佢自己黎就得喇~ 當時我心諗：「就比你試下，等你知道自己整唔到就唔洗成日嘈住話要自己黎。」

我一心等小Bee Bee 求我幫佢嘅時候，小Bee Bee 竟然己經自己攪掂晒仲一臉滿足咁響度睇緊佢自己想睇嘅野！

於是我話比老公聽小Bee Bee 竟然識得自己用電腦，唔單止識 "Click" 仲識 "Scroll" 同 "Drag and Drop"！ 當時老公都唔相信，仲話小Bee Bee 只係撞彩。 跟住老公比左一連串嘅測試小Bee Bee ，包括要小Bee Bee "Click" 指定嘅 icon 、 要小Bee Bee 將個 page "Scroll" up and down... 結果證實：小Bee Bee 真係識得自己用電腦而唔係撞彩

雖然小Bee Bee 好唔鐘意食飯，但其實響佢內心深處佢係好為食嘅！！

尋晚我同小Bee Bee 訓緊覺，小Bee Bee 突然食我個嘴，我仲以為佢做乜無端端鍚哭我咁好，滿心歡喜以為小Bee Bee 梗係好愛我喇，點知佢突然發開口夢，笑笑口咁話：「chocolate~~」

呢個為食小Bee Bee 食完「chocolate」都仲未夠喉，佢又好似貓仔咁不斷食自己隻手... 但小Bee Bee 食食下竟然好不滿咁喊左兩聲先繼續沉睡~ 睇佢嘅表情，我估佢實係嫌自己隻手唔好味姐