今日我地一家三口又響又一城出沒喇，小Bee Bee 亦再一次展示左佢超強勁嘅社交手腕！

每當有人響小Bee Bee 身邊經過，佢都會「呀！呀！」咁大叫黎引人注意，正所謂「入屋叫人」，小Bee Bee 真係有禮貌。



今次小 Bee Bee 不但吸引沿途嘅少女們 (羨慕死爹地…)，仲成功引黎兩個 BB 停低落黎互相交流。三個 BB 四個女人有成幾個墟~


跟住巡例都係去玩具反斗城。今次小Bee Bee 好似對呢個電視廣告好有興趣，睇到眼都唔眨。


行到咁上下又要幫架車入下油先︰「爹地，無鉛吖唔該！」


上次生日 party 個 miffy 扮相耳仔好似唔夠長，要咁先夠勁吖嘛！


最後唔係架車冇油，係小Bee Bee 冇晒電~

登..登..登..登... 呢張就係小 Bee Bee 人生中第一張揸機影嘅相喇！
(其實係誤打誤撞，拍到個相機而影到嘅。)

媽咪︰「小Bee Bee ，情況不妙呀！」
小Bee Bee︰「咩事呀？我好忙架，我追緊電視劇集呀。」


媽咪︰「你響我最喜歡的卡通人物造型選舉度落後緊呀！」
小Bee Bee︰「定 d 黎，其他人想贏我？無咁易！等我再出招，拉拉票先~」


驚艷版 Minnie Mouse！(其實仲似金枝玉葉…)


憂鬱版吸血鬼殭屍！

小Bee Bee 姑媽個 blog 度仲有大把呢個扒地嘅相睇呀~

小Bee Bee 五個月喇！繼上個月睡衣造型扒地，今個月嘅最新攪作就係卡通人物造型大競賽。究竟邊個可以勝出今次比賽而勇奪星輝大獎(黃巽蕾2008年歷)呢？我地需要大家嘅熱烈支持，請投票選出你地心目中嘅冠軍啦~




卡通人物大匯集


非常為食嘅 Miffy (小Bee Bee 飾)




左: 著吊腳褲嘅 Mario (爸爸 飾) / 右: 揸住舊白色屎嘅 小雲 - 人氣漫畫「IQ博士」裡面嘅主角 (媽媽 飾)


左: Waldo (爺爺 飾) / 右: 好密實嘅 Jasmine公主 - 「阿拉丁神燈」裡面嘅公主 (嫲嫲 飾)


左: 無鞋著嘅 Superman (卡佛叔叔 飾) / 右: 戴手錶嘅 蝙蝠俠 (姑媽 飾)


左: 做左負離子嘅 Little Twin Stars (二姑姐 飾) / 右: 增高左嘅 Q太郎 (兆敏表姑媽 飾)


左: 打呔唔戴煲呔嘅 Mickey Mouse (Gary叔叔 飾) / 右: 冇鼻哥嘅 Minnie Mouse (Marina姨姨 飾)