今日我突然發覺小Bee Bee 原來響不知不覺中長大左好多。

今日同小Bee Bee 沖涼，當放佢入水後佢突然扭計，伸出雙手要我抱起佢。當時我覺得好奇怪， 因為小Bee Bee 都好鐘意沖涼，而我亦確定水溫無問題。

當我仲諗緊點解小Bee Bee 一反常態時，我就見到小Bee Bee 原來要 poo poo！

小Bee Bee 已經大過女，唔再好似以前咁可以容許自己響浴缸 poo poo。

小Bee Bee 最近學識左打開雙手叫人抱抱；又或者當大家想抱小Bee Bee 嘅時候，只要響小Bee Bee 面前拍拍手然後打開，咁小Bee Bee 就會打開雙手比你抱抱。(相反地，如果小Bee Bee 唔想比你抱，佢會擰開，扮睇你唔到)

講左咁耐，而家就由我為大家親身示範下喇。
小Bee Bee ：「吓，又係呢個手勢！受歡迎真係麻煩，個個都爭住抱我...」


小Bee Bee ：「比你抱下啦。」


今日發生左一件家居意外，事發時我抱住小Bee Bee 坐響書枱前面。我用左半分鐘響書枱上面搵野，當我望番小Bee Bee 嘅時候，佢手上竟然攞住左一封信，仲食得津津有味。我即時響小Bee Bee 手上搶番封信，但封信嘅一角已經比小Bee Bee 食左。
呢件事令我覺得好內疚，因為我嘅疏忽引致小Bee Bee 食左信封。希望小Bee Bee 千祈唔好肚痛呀

小Bee Bee 六個月生日喇~

生日就例牌有生日蛋糕啦~ 不過今次小Bee Bee 對d蠟燭好有興趣，正當我地吹息緊d蠟燭嘅時候，小Bee Bee 竟然好快手咁一手捉住一支啱啱息左嘅蠟燭，嚇得我地瓜瓜叫。好彩小Bee Bee 又好似唔覺得咩痛，又唔見有咩傷痕，我地先放心d。



今日係一個重要嘅里程碑，因為除左第一次可以用「歲」呢個量詞黎講小Bee Bee 嘅年齡 (半歲)，仲係代表小Bee Bee 已經食左六個月全人奶，由今日開始要引進固體食物喇~

我地心情都好緊張，又怕佢噎親，又怕佢唔仲意食…

起初小Bee Bee 有d唔適應，因為佢從來未試過人奶以外嘅食物。


答真d…


咦~幾好味喎！
小Bee Bee ：「媽咪你餵得咁慢架，等我自己黎喇~」


小Bee Bee ：「真係好味到... 震呀！」


生日就梗唔少得 birthday kiss 架喇，小Bee Bee 亦無奈咁接受左殘酷嘅現實，由以前嘅悲憤「救命呀！」變為而家嘅欣然接受

雖然距離聖誕節仲有成個月，但各商場都已經紛紛佈置好。今天我同老公就帶小Bee Bee 去樂富中心感受下濃烈嘅聖誕氣氛。


響巨型聖誕老人前面影番張全家幅先。


雖然小Bee Bee 未識咩野係聖誕節同聖誕老人，但佢見到色彩繽紛嘅各種裝飾佈置都好開心。

如果要成為專業模特兒嘅條件，係任何時候都保持優美姿態。咁我相信小Bee Bee 絕對係天生嘅模特兒喇