小Bee Bee 一直以黎都只係講到兩個音嘅字，例如 Baby，Elmo...

到今日小Bee Bee 響說話能力方面又有少少進步喇，佢今日開始講三個音嘅字，好似「Melody」~

唔知小Bee Bee 幾時可以好似大人咁同我傾計呢? 雖然我非常 enjoy 而家同小Bee Bee 傾計嘅方式，因為當我同佢講野或者問佢意見嘅時候，小Bee Bee 大多數嘅時候都係會認同我，好溫柔咁答「係」

今日我地參加左由香港保護兒童會所舉辦嘅「Kids Power 親子智能部落」活動~

呢個活動係小朋友一年一度嘅盛事，因為響呢個活動裡面有好多好多嘅遊戲玩~
而小Bee Bee 今日雖然已經好努力，但始終都係玩唔曬所有嘅遊戲~ (最重要嘅係我無經驗，唔識得一去到立即為小Bee Bee 登記參加遊戲，搞到好多遊戲都 full 左報唔到名~ )
媽媽︰「對唔住呀! 小Bee Bee... 媽媽下年唔會再咁大意架喇」


小Bee Bee 今日玩左嘅遊戲其實都唔少，包括有 Q版健身室、肥皂泡夢工場、兒童樂園、聰明寶寶工作室、圖工美勞-拯救地球 ...





仲有非洲土人「鼓」領袖


面部彩繪



畢家索的神奇畫筆



輕微潔癖嘅小 Bee Bee 畫畫下發現自己隻手染左顏料，怕 dirty 嘅佢立即要求去洗手~
小 Bee Bee 作品有待完成...

小手掌漫遊藝術世界


輕微潔癖嘅小 Bee Bee 響印完手印之後發現自己雙手染滿顏料，怕 dirty 嘅佢又立即要求去洗手~
小 Bee Bee 從未欣賞過自己嘅作品...


響充實嘅節目安排下時間過得特別快，活動又到左尾聲喇~
小Bee Bee ︰「今年玩唔曬嘅遊戲我下年一定會玩返，I WILL BE BACK!」

呢個公園已經成為我地成日去嘅地方，不過今次竟然罕有地爺爺同小Bee Bee 一齊去! 既然爺爺同我地一齊去公園，我地當然唔可以比爺爺有反悔嘅機會啦~ 所以我地連衫都唔換，就咁著住睡衣出發去也





去到公園當然唔少得玩小Bee Bee 最愛嘅 bubbles ，但唔知係唔係爺爺太耐無玩而忘記左玩法，爺爺竟然將原本一大樽嘅 bubbles 當拜神酒咁倒瀉曬落地下



爺爺教小Bee Bee 踩個腳踏等佢可以自己踩郁架單車，不過小Bee Bee 對腳實在係短得濟，所以最後都係爺爺推車…


踩完單車爺爺又同小Bee Bee 玩 sir 滑梯，就係咁小Bee Bee 同爺爺就渡過左一個愉快嘅早上喇~

好開心小Bee Bee 又有機會同表哥玩喇! 小Bee Bee 同表哥今次見面終於有 d 交流，雖然佢地大部分時間依然係各自各玩，但佢地今次多左一齊玩



小Bee Bee 同表哥不單一齊玩樂器…






仲一齊睇書…


一齊玩手指…


同一齊捐山窿~




希望佢地下次見面會發展到識得兩個自己玩，咁我就可以偷得浮生半日閒喇