小Bee Bee 返學喇！
可能你會問，小Bee Bee 咁細個可以學 d咩野呀？答案就係：學守秩序、耐性、服從、同他人相處等等…


小Bee Bee 非常留心咁聽老師解釋遊戲嘅玩法。


playgroup 嘅第一個遊戲就係聽住歌仔做動作~

If you're happy and you know it, clap your hands. Clap, Clap.
(小Bee Bee 就跟住拍子拍手掌)

If you're angry and you know it, stamp your feet. Stomp, Stomp.
(小Bee Bee 就跟住拍子踏腳)

If you're happy and you know it, shout "Hooray!" "Hoo-ray!"
(響呢個時候我就抱起小Bee Bee ，將佢飛上半空)


當玩完第一個遊戲，有部份嘅 B 因為被飛上半空而嚇到喊。但小Bee Bee 平常響屋企都有比我地拋黎拋去，所以一d都未驚過。

正當我暗自歡喜，慶幸小Bee Bee 今日竟然咁乖嘅時候。老師同大家開始第二個遊戲，玩法係將一粒糖放入膠袋裡面，等個 B 自己想辦法攞粒糖出黎。



當我聽到「膠袋」呢兩個字，我已經心感不妙，因為小Bee Bee 嘅喜好一向都係比較另類。當佢收到禮物嘅時候，佢通常都係對張包裝紙較有興趣。又或者當小Bee Bee 手上有一個公仔嘅時候，佢通常都只係玩公仔身上面嘅標籤。另外，拉錬都係佢嘅至愛之一。

當小Bee Bee 由老師手上攞左粒糖同個膠袋之後，佢果然係對粒糖一 d 興趣都無，只係搶住要食個膠袋，但由於我唔比佢食，小Bee Bee 就開始喊喇 你地知佢幾大聲，搞到其他人有d驚~


玩完兩個遊戲就到茶點時間，小Bee Bee 好守秩序咁排隊攞餅餅。今次係小Bee Bee 第一次食零食，佢食得好開心~

食完餅餅，我地就同老師，同學仔 say goodbye 喇。

今日開 party 慶祝聖誕節同小Bee Bee 7個月生日。

以小天使 look 上陣嘅小Bee Bee ，收到好多禮物。

小Bee Bee 非常開心同歡喜，因為每一份禮物對小Bee Bee 黎講都係十分之「美味」


當大家忙於影大合照留念嘅時候，小Bee Bee 已經急不及待咁開始佢嘅「試味」工程…


咬牙切齒嘅小Bee Bee 。


美女廚房，食左先講！ (口中果個係包裝，地上果個先係玩具…)


媽咪：「小Bee Bee ，求下你收... 口啦…」
(注意我已經變成小天使)

今日係小Bee Bee 第一次去BBQ 唔好以為小Bee Bee 只係有份出席無得食呀，我地預備左d蕃薯比佢食~



可惜佢好似唔係好夠瞓，脾氣唔係太好，不時喊又經常大聲尖叫，搞到週圍d人望住我地…



好彩我地燒野食嘅地方有好靚嘅聖誕佈置，每當小Bee Bee 唔開心我都會帶佢睇燈飾，佢都會開心番。

今日係小妹牛一，可以享受到海洋公園嘅免費入場優惠、老爺有老人優惠唔洗錢入場，小Bee Bee 又未洗比錢。基於4人同行都只係1人價錢嘅大前提下(老公要比錢)，我地決定今日一於去海洋公園玩番夠本。


小Bee Bee ：「我咁大個女第一次黎海洋公園架咋，好緊張呀。」


入到海洋公園嘅第一站係熊貓館，小Bee Bee 超級開心同興奮，不斷大聲叫。攪到個工作人員拎住個「請保持肅靜」嘅牌企埋黎我身邊

睇完真熊貓去睇熊貓公仔，小Bee Bee 依然係興奮到不得了。


睇完熊貓，我地坐纜車向海洋公園嘅另一邊進發。呢個亦係小Bee Bee 響今個旅程裡面，最、最、最、最、最開心興奮嘅時刻。


小Bee Bee ：「我真係好鍾意坐纜車架，Ho Ho Ho！」


響排緊隊入海洋館嘅時候，同爺爺合照。


小Bee Bee ：「好壯觀呀！」


小Bee Bee ：「魚魚嘅體積仲大過我呀。」


小Bee Bee 睇咩野睇到咁聚精匯神？咪就係海洋劇埸嘅海獅，海豚表演... 之前嘅 Live Band 演奏囉。
至於海獅，海豚表演？小Bee Bee 似乎未識欣賞，佢全程只顧住玩老公件衫嘅拉鍊，完全漠視左海獅，海豚嘅存在。


小Bee Bee ：「我似唔似海洋劇埸隻海獅呢？」


臨走前同 Daddy 影番張相先。


玩到無晒電嘅小Bee Bee 。